Mesón O Ferrador

Outeiro, San Sadurniño, 1993

“O Ferrador” débelle o seu nome ao avó de Julio, Andrés Muiño Barro, quen fora ferrador e tiña nesta casa de Outeiro a súa ferraría. No 1986 Julio abriu o primeiro negocio, o pub “Contraste”, mais tras duns anos co local alugado retornou a San Sadurniño para abrir o actual mesón en 1993.
No Ferrador pódese degustar zorza, mexilóns, albóndigas, fabada ou lentellas…., mais o prato especial é o seu afamado raxo… Neste audio, Julio Freire Muiño desvela o ingrediente fundamental do raxo do Ferrador: “moita paciencia e cariño”.
O Ferrador, un lugar acolledor onde disfrutar de boa comida caseira, e no que segundo o seu propietario “a clientela é como unha familia”.