Premio Mellor iniciativa Europea Acting - Ginebra 2015 Premio Mellor webserie VO Galego - Carballo Interplay 2017 Mellor vídeo opinarmos - Premio Youtubeir@s 2017

mirada propia

Creacións audiovisuais, literarias ou artísticas realizadas por autores naturais ou residentes en San Sadurniño: creador@s, escultura, Revista Pumariño, músicos, pintura, poesía, teatro

"E ti de quén ves sendo?"

San Sadurniño, 2015

2ª Chanfaina'Lab (10). Estrea venres, 22 de abril do 2016
Directoras: Ary López e Sabela Íñiguez
Coa participación de Edith Pando (San Sadurniño), Agustina Motas (Santa Mariña), Luis Miguel Izquierdo (Lamas), José Manuel García e Gloria Pérez (Lamas).
Sinopse: "E ti de quen ves sendo? céntrase na ollada de veciños e veciñas de San Sadurniño que chegaron ata aquí dende outros lugares do mundo. Unha peza sinxela onde Edith, Agustina, Luismi, José Manuel e Gloria desvelan de quén veñen sendo.".
Duración: 8'13”
Gravada nos días 5 e 6 de setembro do 2015 en varias parroquias de San Sadurniño dentro do programa da Chanfainalab



As creadoras deste filme son dúas cineastas naturais e veciñas de San Sadurniño. Ary López traballa como xornalista e comunicadora, con traxectoria profesional en varios medios de comunicación e que xa participara na Chanfainalab 2014 coa peza Epílogo. A segunda cineasta é a tamén licenciada en Ciencias da Comunicación e experta en redes sociais Sabela Íñiguez, quen ademais é a actual Concelleira de Cultura do Concello de San Sadurniño e responsable da Chanfaina Lab.

Nesta peza as cineastas locais exploran San Sadurniño na procura dun punto de vista orixinal: " As dúas somos naturais deste Concello e vivimos cunha certa tradición de ser un tanto pechados cos de fora. Tiñamos curiosidade por cómo ven e qué opinan de San Sadurniño aquelas persoas que, non sendo naturais do concello, viven connosco por elección propia. Parecíanos que a súa mirada sería diferente e tamén interesante. Como punto de partida escollemos esa expresión tan nosa coa que tratamos a quen non coñecemos: E logo ti de quén ves sendo?. Tentamos desmitificar a curiosidade inicial para amosar que son xente como nós, que mesmo teñen historias parecidas e que comparten a vida con nós a todos os niveis. O noso tratamento documental tiña que ser sinxelo, sen meternos en lugares complicados, nos que puideramos ter algún tipo de traba."

Entre a riqueza de miradas e diversidade de puntos de vista que podemos apreciar nas diferentes pezas da Chanfainalab, este filme só podería ser gravado por cineastas locais, xogando co punto de vista do "outro" sobre o pequeno universo de San Sadurniño. Nas pezas da Chanfainalab amósanse opinións dos naturais e tamén de visitantes esporádicos, mais "E ti de quén ves sendo?" aporta o punto de vista de quen decidiu vivir entre nós e formar parte da nosa comunidade. Así pois, é unha reivindicación da tolerancia e o coñecemento mutuo, unha chamada á convivencia e a compartir a vida da comunidade sen importar o lugar de procedencia. Unha mensaxe oportuna e necesaria ante a intolerancia cara o "outro" de triste actualidade nestes tempos.

  • "E ti de quén ves sendo?"

  • Ary López

  • Sabela Íñiguez

  • Sabela e Abel Vega na presentación da Chanfainalab

  • Agustina Mota ven de Albacete e vive en Santa Mariña

  • Edith Pando é do Perú en vive en San Sadurniño

  • Luis Miguel Izquierdo é de Madrid e vive en Lamas

  • José Manuel García e Gloria Pérez veñen de Venezuela mais viven en Lamas

  • Miguel Mariño, Sabela e David Anca na presentación da 2º Chanfainalab

load

Comentarios

Máis imaxes

Temas: creador@s, Chanfaina'Lab, emigración, vídeos, xente, outros lugares, Santa Mariña do Monte, Lamas

Autor/a: Sabela Íñiguez

Vídeos:
"Epílogo" de Ary López

Compartir en: