Pérgola do Pozo dos Donceis

O Casal, San Sadurniño, 1903

Á beira do Pozo dos Donceis moi preto do actual Arboreto, situábase o que se coñecía como “A pérgola” -construción que protexe áreas de paso dunha zona axardinada- onde a Marquesa Natividad Quindós e os seus selectos invitados facían as veces merendas e pic-nics nos paseos dende o Pazo a rentes do río Xuvia. Aínda hai xente en San Sadurniño que merendaba alí a mediados da década de 1950. En xullo do 2017 inaugurouse no mesmo lugar unha escultura que representa á deusa Navia.
A imaxe –facilitada por Margarita Sánchez- foi pintada por Carlos Vázquez, xornalista e pintor coruñés, segundo suxestión do seu amigo Vitucho. Manolo Rico evoca o esplendor e a destrución da Pérgola.