Lenda do pozo dos donceis

A Cortiña, San Sadurniño, 2013

A “lenda do pozo dos donceis” garda relación coa hipótese do historiador Carré Aldao de que as beiras do río Xuvia estaban poboadas de palafitos. Por outra banda, este conto tradicional enxérgase na tradición de historias de “cidades asolagadas” estendida por moitos lugares de Galicia.
O espazo da lenda sitúase nun recodo do paseo do río Xuvia, onde estaba a desaparecida "Pérgola", ao carón do Arboreto. .Tamén aquí foi onde o poeta José María Gabriel e Galán escribiu un famoso poema.
No 1922 os xornais de Galicia recolleron un suceso revelador da profundidade do pozo , cando case se afogan uns mozos que estaban de troula no lugar.

No ano 2014 os creadores Juan Lesta&Belén Montero adaptaron o poema para a Chanfaila'lab co título "Balada cover"
Nesta ocasión escoitaremos a lenda narrada por cativos e cativas da aldea de verán ao que lle engaden o seu particular final. . Podes ler a lenda orixinal escrita polo escritor José Leyra Domínguez na imaxe asociada inferior
En xullo do 2017 inaugurouse no mesmo lugar unha escultura que representa á deusa Navia.