As Festas de Santa Isabel na parroquia de Santa María nos primeiros días de xullo, marcan o inicio do ciclo festivo do verán polas diferentes parroquias de San Sadurniño. Conmemora a visita realizada pola Virxe María, embarazada de Xesús, á súa parente Isabel, embarazada tamén de Juan "o Bautista". A celebración foi introducida por San Buenaventura, Xeneral da Orde Franciscana específicamente para a súa Orde, aló polo 1263. Posiblemente o seu culto foi introducido en San Sadurniño arredor de 1530, coa chegada dos franciscanos para facérense cargo do mosteiro baixo o mandato de Juan Freire de Andrade e Lanzós, II Señor de San Sadurniño.No santoral católico a data da celebración sempre foi o 2 de xullo, ata 1969 no que o Concilio Vaticano a trasladou para o 31 de maio, mais en San Sadurniño segue a celebrarse a primeiros de xullo. A primeira "patrona" da que se ten noticia foi Santa Olalla, que perdurou ata finais do século XV.