Xornadas de Cultura Popular Galega

San Sadurniño, 2009

En outubro de 2009, a Asociación folklórica e Cultural "Berros do Castro" organiza as Iª Xornada de Cultura Popular Galega, co obxectivo principal de promocionar, dinamizar e por en valor a cultura popular galega. Ano a ano, o evento foi consolidándose e, cara ó comezo do outono, os interesados na música popular galega teñen xa unha cita obrigada na Casa de Cultura de San Sadurniño. Habitualmente escóllese un eixe central sobre o que se desenvolven as xornadas: No 2012 foi "a percusión na tradición galega”; no 2013 "a voz na música popular” no 2014 "de trompas, bichos e outras músicas” e no 2017 un curso de afinación da gaita a cargo de Daniel Bellón . Podes ver todos os cartaces desta singular iniciativa en imaxes relacionadas.