"Tanto encanto reunido"

A Ferraría, Naraío, 2014

A Asociación Folclórica e Cultural "Berros do Castro" comezou no 2008 a pescudar na tradición musical de Ferrolterra a través de antigas fotografías de músicos e cancións populares. Conseguiron mais de 300 imaxes das que se se seleccionaron 110 para este magnífico proxecto editorial de edicións Embora: un libro CD de 120 páxinas que repasa solistas, cuartetos, bandas ou fabricantes de instrumentos que traballaron nas comarcas de Ferrol, Eume e Ortegal desde o século XIX. Un libro imprescindible que conxuga imaxe e música dun xeito singular e con gran forza evocadora. Escoita unha completa entrevista realizada no mes de xuño do 2014 no programa “Lume na Palleira” da Radio Galega.