San Sadurniño no ano 2000

San Sadurniño, 2000

No ano 2000 publicábase o informe: "Situación y perspectivas socioeconómicas de los 94 municipios de la provincia de La Coruña”. A análise da realidade socioeconómica da provincia diagnosticaba para San Sadurniño unha leve melloría respecto aos indicadores da década anterior, aínda que continuaba imparable a tendencia ao envellecemento da poboación. A industria forestal comeza a ser o motor da economía local, mentres que o sector agrogandeiro baixa ao 29% de ocupación laboral, aínda que segue a ter un peso relevante pola concentración parcelaria e a especialización agraria. Medra o sector servizos. O paro no concello anda polo 17%.
O informe conclúe que a maior ameaza para o futuro de San Sadurniño é o descenso da natalidade. Descarga o documento con numerosos datos estatísticos de comezos do século XXI.