"Pepe do Forno"

Os Gaspares, Santa Mariña , 1929

José López Díaz coñecido como "Pepe do Forno" fálanos da súas vivencias nunha entrañable conversa coa súa filla Camila López.
"Pepe do Forno" naceu no ano 1929 en Santa Mariña. O seus pais, José López Fernández e Dolores Díaz, rexentaban unha panadería coñecida como "O Forno de Cibreiro". Foron catro irmáns: Pepe, Marcial, Manolo e Concha.
Pepe foi barbeiro antes de panadeiro, pero cando os irmáns foron marchando fíxose cargo do forno coa súa muller Teresa Couce Couce. Foi concelleiro de obras durante o mandato do alcalde Manuel Lamas Soto e secretario da cooperativa de Santa Mariña.
No ano 1984 deixaron o negocio e alugaron o local a catro irmáns que montaron a Panadería Inxerto. Pepe fala dos seus comezos, da súa vida como panadeiro e do segredo para acadar unha boa masa para a empanada.