Os señores de San Sadurniño

San Sadurniño, 1515

O señorío de San Sadurniño foi creado a comezos do século XVI por Fernando de Andrade, (neto -por vía bastarda- de Nuño Freire de Andrade) e Inés de Castro e Lanzós, filla do caudillo irmandiño, Alonso de Lanzós para salvagardar os intereses da linaxe dos Andrade-Lanzós. Co fin de garantir a continuidade do Señorío, Fernando e Inés deciden crear un morgado na persoa do seu fillo Juan Freyre de Andrade. A raiña Doña Juana autorizará a creación do morgado de San Sadurniño na cidade de Burgos o 15 de xuño do 1515, creándose definitivamente en 1526.
En moi pouco tempo converteranse nunha das familias mais sobranceiras de Ferrolterra, nomeadamente cando o II Señor de San Sadurniño, Juan Freire de Andrade e Lanzós merque o Couto do Pedroso en 1544.
Podes comprobar o seu meteórico ascenso neste estudo sobre a historia e xenealoxía dos Señores e Marqueses de San Sadurniño e Baltar dende o século XVI ao XVIII realizado polo investigador Fernando Dopico Blanco e publicado en "Catedra, revista eumesa de estudos" nª 13 (2006).
Descarga o documento co artigo íntegro.Na ilustración, labra heráldica dos Andrade e Lanzós-Castro no exterior da igrexa de San Sadurniño.