O documento de Tructino

San Sadurniño, 868

As primeiras referenzas escritas que nos "falan" de San Sadurniño ou Naraío aparecen no denominado Documento de Tructino, redactado por "Dominus Tructinus” baixo mandato do rei asturiano Alfonso III no ano 868, onde se delimitan as igrexas e propiedades do Bispado de Iria Flavia (actual Compostela). No documento infórmase da existencia de “Santum Saturninum iuxta fluvium Iubia”, é dicir; “San Sadurniño ao carón do río Xuvia”. Probablemente fose unha igrexa moi antiga, situada no actual convento do Rosario. Tamén nos fala da igrexa de San Pedro "iuxta fluvium Naraio”, posiblemente no emprazamento actual de Santa María de Naraío.
Descarga o documento coa historia completa. Ilustración: Alfonso III, o Magno