Fundación do Señorío de San Sadurniño por Fernando de Andrade

San Sadurniño, 1526

Tras da aprobación real en 1515, ao fin, o 17 de maio de 1526 os primeiros señores de San Sadurniño, Fernando de Andrade, (neto -por vía bastarda- de Nuño Freire de Andrade) e Inés de Castro e Lanzós, filla do caudillo irmandiño, Alonso de Lanzós, fundan o morgado da Casa de San Sadurniño na persoa do seu fillo, Juan Freire de Andrade, para garantir a continuidade da casa nobiliaria Andrade-Lanzós. O día da firma deste documento Fernando de Andrade ten problemas de vista (cataratas?).
En moi poucos anos iniciarán un metéorico crecemento ata convertérense nunha das familias mais sobranceiras de Ferrolterra, nomeadamente cando o II Señor de San Sadurniño, Juan Freire de Andrade e Lanzós merque o Couto do Pedroso en 1544.
Podes comprobar o seu meteórico ascenso neste estudo sobre a xenealoxía dos seus descendentes durante o Antigo Réxime. Escrito polo historiador Carlos Breixo Rodriguez e publicado en "Catedra, revista eumesa de estudos" nª 13 (2006). Descarga o documento co texto íntegro. Fotografia: Sartego de Inés de Castro e Lanzós na Igrexa do Convento do Rosario