Feira en Igrexafeita

Igrexafeita, 1913

A comezos da década de 1910 celébranse xa dúas feiras no campo da feira en San Sadurniño -primeiro domingo de cada mes e o día 17- ademais da que se facía en Santa Mariña do Monte o ultimo domingo do mes.
O alcalde -e comerciante- Pelayo Casal decide crear unha nova feira no outro extremo do Concello, en Igrexafeita todos os días 18. Cumpríase así unha vella arela dos labregos e labregas da banda oriental do Concello. A primeira feira da parroquia tivo lugar o 18 de maio de 1913 nun terreo arrendado a Antonio García Varela, quen fora concelleiro de varias corporacións locais e rico propetario. Os veciños plantaron bidueiros para ter sombra no futuro e os gaiteiros animaron o día. No 1922 aínda seguía a facerse nese mesmo lugar, mais arredor de 1926 deixou de realizarse.