Consulta Aberta

Bardaos e San Sadurniño, 2026

10ª Chanfaina Lab (2). Estrea: 27 de marzo do 2026
Director: Kevin Lourenzo
Duración: 5' 46 "
Sinopse: "O doutor Souto recibe a visita sorpresa das súas pacientes o primeiro día da súa xubilación e comezan a lembrar vellas anécdotas".
Equipo artístico: Salvador Rodríguez, Antonio Fraga, Kevin Lorenzo, María José Serantes, Cruz Piñón, Carmen Bouza, Carmen Couce, Bieito Beceiro, Lucía Pita, Cristina Piñeiro, Soraya Yáñez, Ángela Soto, Catalina Rodríguez, Alejandro Castro.
Dirección e guión - Kevin Lorenzo
Operador de cámara 1 e montaxe - Ángela Arnosa
Operador de cámara 2 - Iago Lourido
Banda sonora: Monoulious DOP. Os bos tempos
Gravado nas parroquias de Bardaos e San Sadurniño dentro do programa da 10ª Chanfainalab

Máis información sobre esta peza en: Chanfainalab



KEVIN LORENZO (Xixón, 1991) desenvolveu a súa formación en guión, dirección e interpretación. Participou en diversas producións audiovisuais como “O sabor das margaridas”, “Serramoura” ou “Lobos e cordeiros” entre outras. A súa curiosidade levouno tamén ao mundo da madeira, onde explora a súa evolución como material sostible. No 2023 debutou ao outro lado da cámara como director de “Navia” e no 2024 coa comedia "O pano de seda" e "Mírame" no 2025. Tamén desenvolve actividades de dinamización cultural e é membro activo do encontro de cineastas Chanfaina lab desenvolvendo varias accións formativas e xestionando a produción de numerosas pezas.

A idea da peza nace dunha obra de teatro que xurdiu dun proceso creativo interesante por parte dos propios protagonistas, no que se foron construíndo situacións e diálogos a partir das súas achegas. Posteriormente, esa historia adaptouse ao formato audiovisual coa intención de pasar un tempo divertido durante a gravación, facendo do proceso creativo unha experiencia agradable e compartida.
Na historia tamén se lle quixo dar ao doutor unha imaxe de poder e riqueza, rodeado de cociñeiros e criados. Para reforzar esa idea, a gravación realizouse no que foi o Pazo da Marquesa, un espazo que axuda a transmitir esa sensación de prestixio e poder, algo que contrasta coa realidade actual, xa que hoxe en día no rural cada vez escasean máis os doutores e o servizo médico resulta máis limitado.
Ademais, a curtametraxe ten tamén un ton reinvidicativo, inspirado na portada da revista "Pumariño" que existiu tempo atrás no Concello de San Sadurniño. A través dese detalle búscase facer unha pequena referencia á situación da sanidade no rural. A obra busca mostrar como os recordos e as pequenas historias do pasado poden unir ás persoas e dar valor aos momentos cotiáns.