A fin de "Cantareliña"

San Sadurniño, 1990

Cantareliña foi un innovador evento impulsado por Ramón Díaz Raña, párroco de San Sadurniño e o mítico grupo folk Saraibas. Este certame celebrou oito edicións (entre 1983 e 1990), e consistía na celebración de concertos nas catro provincias galegas protagonizados por grupos de nenos e nenas (a idade máxima eran os doce anos), que interpretaban cancións inéditas en galego. A gala final celebrábase en San Sadurniño.
No verán de 1990 celebrouse a derradeira edición de Cantareliña, en parte polo cansanzo dos seus organizadores, mais tamén pola falla de apoio da "Galicia oficial" daquel tempo. En palabras do seu "impulsor", Ramón Díaz Raña: "se interesaba máis pola festa do cocido, p.e., ou pola rapa das bestas que por Cantareliña.Foron moitas as felicitacións recibidas, os ánimos, a admiración polo que levábamos entre mans, pero ben percibíamos que, se morría a criaturiña, as bágoas non chegaban ao río. Iso nótase. Dá tristura dicilo". Así o escribe neste retraqueiro e fermoso texto. Ademais resulta moi interesante este outro, escrito pola "nena cantareliña" María Yañez sobre aquela experiencia que marcou a infancia d@s participantes. Mira os videos (na parte dereita da pantalla)