Durante o século XVII os Condes de Lemos e os Señores de San Sadurdiño exercen o señorío xurisdicional, regulando todos os aspectos da vida no Val. Practicamente todos os veciños e veciñas dependen das decisións dos seus "Señores" e traballan nas súas terras e pagan rendas. Mais, en clara sintonía análoxica cos avatares do imperio hispánico, o século XVII comeza con malos augurios para o Señorío de San Sadurniño. Están endebedados e arruinados.Tamén o Castelo de Naraío fica deshabitado en 1609. Os excesos do século anterior pagaranos o IV, V, VI,VII, VIII e IX Señor de San Sadurniño, que terán numerosos problemas "dinásticos", mais tamén legais. En 1688 o rei Carlos II crea o novo título nobiliario de "Marqués de San Sadurniño": Pedro Álvarez de Reynoso é o seu primeiro titular, sendo o responsable do inicio da recuperación económica do Morgado de San Sadurniño. .