Neste século prodúcese un feito decisivo e determiñante para os vindeiros 500 anos: Fernando de Andrade e Inés de Castro e Lanzós crean o Señorío de San Sadurniño,  fundan o Convento do Rosario e mesmo o II Señor de San Sadurniño rematará por mercar as posesións do outrora poderoso mosteiro do Pedroso "con xurisdición civil e criminal". O Señorío de San Sadurniño converterase nesta centuria nun dos morgados mais sobranceiros e duradeiros de Ferrolterra. O  III Señor de San Sadurniño cederá o mosteiro aos Dominicos, mais deixará o Señorio tan endebedado e arruinado como o está o imperio hispánico de Felipe II a finais do século XVI.