A familia Traba-Froilaz -os señores e os seus mosteiros- continúan a seren a referenza do poder para homes e mulleres daquel tempo. O prior do mosteiro do Pedroso agranda considerablemente o territorio do couto monástico. Mais, cara ao final da centuria, a morte sen descendencia do derradeiro Traba-Froilaz representa a fin dunha época e abre novas perspectivas para a pequena nobreza -"segundóns encomendeiros"- do Val de San Sadurniño, unha deles será a saga dos Andrade e outra a dos Lanzós.