Fálame de San Sadurniño

documentos

Ademais das imaxes, tamén a prensa e os documentos históricos fálannos de San Sadurniño no decurso do tempo: Podes velos en orde cronolóxico aquí , ou consultar algúns datos estatísticos

test

Trunfo republicano en San Sadurniño

San Sadurniño, 1931

Como no resto de España, o 12 de abril de 1931 celebráronse eleccións municipais en San Sadurniño. O resultado das eleccións foi o trunfo dos candidatos republicanos moderados da Federación Republicana Gallega, próximos á ideoloxía do republicanismo conservador de Leandro Pita Romero. Prácticamente a totalidade da nova corporación municipal formaba parte da Asociación labrega “La Moralizadora”.
O concello republicano quedou constituído o día 22 de abril:
Alcalde: Vicente Castro Naveiras (Ferreira);
José García López. (Igrexafeita, 1º tenente alcalde); Ángel Sisto Rivera. (Lamas, 2º tenente alcalde). Morre o 18/3/1935; Angel Carregado Felgar. (Naraio, Alcalde síndico); Marcelino Campos Hermida. (Ferreira, Interventor municipal).Morre en setembro de 1932 por un accidente de coche; Vicente Rodríguez Canosa (Bardaos); José Bastida López (San Sadurniño); José Salgado Salgado (Igrexafeita); Antonio Seijas Goti (Igrexafeita). Morre en marzo de 1933; José Castro Rodríguez (Lamas); Ramón Acción Sardina (Naraío); Manuel Dopico Díaz (San Sadurniño).Dimite en 1934 "por razóns de idade"; Benigno Ferreira Felgar (Monte) e José Fernández López (Monte).

Tamén durante a Segunda República, San Sadurniño seguirá a ser a “Vila da tranquilidade” agás algún "incidente aillado" ou un crime mediático. Non se teñen novas de conflitos ou problemas coa Igrexa, agás algúnha pequena liorta coa Marquesa de San Sadurniño e mesmo na franquista Causa General de 1941 recoñécese que non houbo ningún tipo de incidente durante os seis anos republicanos.
O concello decide participar na Asemblea de Municipios Galegos os días 17,18,19 de decembro de 1932 para a aprobación do Borrador do Estatuto de Autonomía de Galicia. O secretario municipal Juan Rilo será o representante do concello no evento.
Mais na medida que o "xefe político" Pita Romero evolucionaba cara a dereita, tamén mudaba a corporación municipal. O talante conservador do alcalde Vicente Castro Naveiras vixiaba que non entrasen novas ideas no concello, como proba a polémica que tivo cos socialistas en abril de 1933 ao mandar á Garda Civil perseguir a quen falase mal do alcalde ou dos concelleiros (ver doc); o apoio ao goberno de Lerroux tras dos sucesos do 34 (doc 2); ou a homenaxe unánime da corporación ao xa ministro, Leandro Pita Romero como “paisano y benefactor de este municipio" (18-12-1933).
A derradeira sesión da corporación republicana será o 6 de xullo de 1936. Vinte días despois, a Garda civil cesaba aos concellais, nomeaba a Pelayo Casal Novo como alcalde e comezaba a Guerra Civil, mais non se tomaron represalias contra os membros desta corporación republicana. Pasarán 48 anos -en 1979- ata que se volvan a celebrar novas eleccións municipais democráticas. Mais información en Vicente Castro Naveiras
Na ilustración, Acta dos resultados das eleccións do 14 de abril de 1931 en San Sadurniño.

Trunfo republicano en San Sadurniño
Trunfo republicano en San Sadurniño
Imprimir | Ampliar

Todas as imaxes:

Documentos:

Doazóns do Concello de San Sadurniño tras dos sucesos de 1934
O alcalde republicano e os socialistas (1933)
Solicitude de novas escolas (1933)

Comentarios

Máis imaxes

Temas: guerra, San Sadurniño (Concello)

Autor/a: Manolo González Álvarez