Premio Mellor iniciativa Europea Acting - Ginebra 2015 Premio Mellor webserie VO Galego - Carballo Interplay 2017 Mellor vídeo opinarmos - Premio Youtubeir@s 2017 Mellor iniciativa cultural dirixida a persoas maiores - Premio Fundación DomusVi Boas prácticas na xestión cultural - Asociación Galega de Profesionais da Xestión Cultural (AGPXC) Premio Rodolfo Prada á xestión cultural 2018

documentos

Ademais das imaxes, tamén a prensa e os documentos históricos fálannos de San Sadurniño no decurso do tempo: Podes velos en orde cronolóxico aquí , ou consultar algúns datos estatísticos

Temporada estival 1907

San Sadurniño, 1907

Tamén o verán de 1907 transcorreu con placidez na “vila da tranquilidade”, entre paseos e merendas na fraga, partidas de tenis, tertulias na terraza e misa diaria... Son os lánguidos veráns da “Belle Époque”, onde se goza do “dolce far niente”. Nestes primeiros anos do século XX, a aristocracia española está a poñer de moda “tomar vacacións”, unha nova costume en España, por suposto "para quen pode", que son moi poucos. Porque os labregos que traballan nas terras da marquesa están mais atarefados que nunca coa seitura, a malla, o gando, a recollida da herba e as froitas... para pagarlle as rendas aos Señores. Tampouco as clases obreiras teñen vacacións, que consideran unha actividade "só para os ricos".
Coma dende 1902, veranea no pazo, ademais da marquesa e o seu home, Rosalía Arias-Dávila, marquesa de Almaguer e irmá do duque. Os invitados deste ano tamén pertencen á elite próxima de Alfonso XIII: o aristócrata, católico conservador e mordomo de semana do rei, Javier Palacio y García Abárzuza, III conde de Las Almenas, casado con Francisca Maroto y Polo. Tamén veñen por San Sadurniño Soledad Boado, muller de José Ferrándiz y Niño, Ministro da Mariña, e Asunción Antón.
Fotografía: visitantes do Pazo a primeiros de século paseando pola fraga da marquesa.

  • Temporada estival 1907

  • Diario de Pontevedra (1/8/1907)

  • Tertulias de verán

  • Gaceta de Galicia, (6/8/1907)

  • Paseos polo campo

  • Lectura no pazo

load

Comentarios

Máis imaxes

Temas: visitantes, Pazo da Marquesa, San Sadurniño (Concello)

Autor/a: Manuel González Álvarez

Fotógrafo/a: Arquivo municipal de San Sadurniño

Compartir en: