Premio Mellor iniciativa Europea Acting - Ginebra 2015 Premio Mellor webserie VO Galego - Carballo Interplay 2017 Mellor vídeo opinarmos - Premio Youtubeir@s 2017 Mellor iniciativa cultural dirixida a persoas maiores - Premio Fundación DomusVi Boas prácticas na xestión cultural - Asociación Galega de Profesionais da Xestión Cultural (AGPXC) Premio Rodolfo Prada á xestión cultural 2018

extramuros

Olladas das xentes que visitaron San Sadurniño e deixaron testemuñas en forma de textos, imaxes, pinturas ou filmes: visitantes senlleiros,

"Teleclube"

Riboira, Lamas, 2015

Chanfaina'Lab (15) Estrea venres, 1 de maio do 2015
Título: Teleclube
Produción: Beatriz Lema
Director: Xurxo Chirro
Duración: 3'30''.
Sinopse: O ronsel da memoria do Teleclube de Riboira.
Gravado en San Sadurniño na chuviosa mañá do 7 de setembro do 2014 dentro do programa do Chanfaina' Lab.

Por terceira vez o cineasta, crítico e historiador Xurxo Chirro volve a sorprendernos cunha nova entrega para a Chanfaina'lab, despois de "Ao Patadón" e "Cartas de Conquista".
Nesta ocasión, o filme "Teleclube" resposta a unha petición expresa da organización da Chanfaina'lab para que realizase unha peza na parroquia de Lamas. Xurxo, afeito a todo tipo de imprevistos e traballar con medios limitados, tirou dun dos fíos cos que tece moitos dos seus filmes: os espazos da memoria social analizados dende o presente, como fixo por exemplo na magnífica "36/75" gravada nos espazos da sublevación militar e represión no seu pobo, A Guarda. Xurxo escolleu o histórico teleclube de Lamas para reflectir a evolución dese edificio, dende a flamante inauguración ata a o abandono no que vive hoxe. Un espazo que reflicte tamén a evolución do lecer de boa parte da sociedade galega durante os últimos cincuenta anos. "Como era unha encarga e non coñecía ben o lugar, deixeime dominar polo propio espazo e xoguei coa elipse e o material de arquivo dispoñible -basicamente fotografías e audios- e pequenos fragmentos que contasen a evolución da TV ata o fin do teleclube coa "neve", que é a abstracción total" .
"Teleclube" pretende ser unha invitación á lembranza, á evocación case nostálxica deste espazo de socialización que de igual xeito que o seu irmán, o teleclube de San sadurniño, tiveron unha gran incidencia na memoria colectiva de moitos veciños e veciñas de San Sadurniño.

  • "Teleclube"

  • Xurxo

  • Inauguración do teleclube en 1969

  • Xurxo na Chanfaina'lab

load

Comentarios

Máis imaxes

Temas: asociacións históricas, Chanfaina'Lab, cinema, Lamas, lecer, patrimonios, visitantes, vídeos

Autor/a: Xurxo Chirro

Vídeos:
36/75 (2009)
"13 pozas" (2009)

Compartir en: