Premio Mellor iniciativa Europea Acting - Ginebra 2015 Premio Mellor webserie VO Galego - Carballo Interplay 2017 Mellor vídeo opinarmos - Premio Youtubeir@s 2017 Mellor iniciativa cultural dirixida a persoas maiores - Premio Fundación DomusVi Boas prácticas na xestión cultural - Asociación Galega de Profesionais da Xestión Cultural (AGPXC) Premio Rodolfo Prada á xestión cultural 2018

extramuros

Olladas das xentes que visitaron San Sadurniño e deixaron testemuñas en forma de textos, imaxes, pinturas ou filmes: visitantes senlleiros,

"Solpor"

San Sadurniño, 2015

Chanfaina'Lab (16) Estrea venres, 8 de maio do 2015
Título: Solpor
Director: Xacio Baño
Locución: Xosé Barato
Produción: María Zaragoza
Duración: 4'36''.
Sinopse: Un director anda na procura do seu unicornio, do momento revelador do raio verde. E a tarde remata, e o sol cae.
Gravado en San Sadurniño nos días 6 e 7 de setembro do 2014 dentro do programa da Chanfaina' Lab. Seleccionado na Sección Sinais no S8, Mostra de cinema periférico de Coruña (2015)

Xacio Baño é un dos cineastas máis orixinais e prometedores do cinema galego. Así o acreditan as súas curtametraxes “Estereoscopía” (2011), “Anacos” (2012) e "Ser e voltar"(2014), multipremiadas nunha morea de prestixiosos festivais internacionais por todo o mundo. O cinema de Xacio caracterízase pola singular indagación sobre o entorno sensorial, así como o lirismo, intelixencia e sutileza da súa mirada, que chega a contentar por igual aos críticos máis esixentes á par do gran público que teña a fortuna de visionar os seus filmes.
Para a Chanfaina'lab, inspirouse nunha historia que leu en "Fálame de San Sadurniño" acerca do agasallo por parte de Alfonso XIII de varios cervos para repoboar a gran fraga dos Marqueses de San Sadurniño.
Ese foi o punto de partida, mais "Solpor" e moito máis: “está a medio camiño de todo, como me gusta a min. Buscaba eses cervos cen anos despois, en paralelismo coas pegadas do pasado aristocrático de San Sadurniño no primeiro terzo do século XX e mestureino coa lenda do Pozo dos Donceis. Tamén o meu nome, Xacio, alude a un ser mitolóxico medio peixe que vive nas augas dos ríos e garda relación coas cidades asolagadas.
"Solpor" é pois unha invitación a descubrir ese mundo fantástico do pasado e da mitoloxía que durme somerxido aos nosos ollos, mais posiblemente co anoitecer cobre vida propia.

  • "Solpor"

  • Xacio Baño

  • Xacio Baño (5º pola esquerda) no xantar da Chanfaina'lab

load

Comentarios

Máis imaxes

Temas: animais, Chanfaina'Lab, cinema, naturezas, Pazo da Marquesa, San Sadurniño (Concello), ríos, vídeos, visitantes

Autor/a: Xacio Baño

Vídeos:
"Anacos" (Trailer)
Estereoscopía (Trailer)
Ser e voltar (Trailer)
Ai capitán (Proxecto Nimbos,2014)

Compartir en: