Santa Isabel 1900

Casal, San Sadurniño, 1900

A primeira crónica extensa sobre as Festas de Santa Isabel da que temos noticia corresponde ás celebradas no ano 1900, meses despois do funeral do VI Marqués de San Sadurniño e publicada no "Correo Gallego". A crónica detalla o programa de festas, nomeadamente centradas nos festexos relixiosos e na procesión que ía dende o claustro do Mosteiro ata o pazo dos Señores celebrada dende tempo inmemorial. A procesión era o acto central das festas e nela portaban o palio da procesión relevantes persoeiros locais. Nesta ocasión foron o octoxenario colono Francisco Bastida Alvariño (1821-1905), fillo do primeiro alcalde do Concello; o ex-alcalde Vicente López Fernández; Serafín Alende, practicante e xuíz municipal; o ex-administrador e ex-secretario do Concello Antonio López Torrens; Federico de la Cruz, tenente da Garda Civil de Ferrol; Andrés López Pouso, recadador de contribucións; o mestre José López Vázquez e o novo notario García de Quevedo. Acompañou a festa a "banda de Presa" de Vicente Rebollar (Ortigueira) e os fogos artificiais do Sr Millarengo (Cruz do Pouso). Houbo "animados bailes a los que acudieron bonitas forasteras". Todos os plácemes foron para o párroco e Administrador do Marqués de San Sadurniño, Felipe Calvo. Podes descargar en documentos una crónica completa das festas de 1900
Na fotografía procesión das festas de Santa Isabel.