Premio Mellor iniciativa Europea Acting - Ginebra 2015 Premio Mellor webserie VO Galego - Carballo Interplay 2017 Mellor vídeo opinarmos - Premio Youtubeir@s 2017 Mellor iniciativa cultural dirixida a persoas maiores - Premio Fundación DomusVi Boas prácticas na xestión cultural - Asociación Galega de Profesionais da Xestión Cultural (AGPXC) Premio Rodolfo Prada á xestión cultural 2018

xentes

Historias de vida de familias , homes e mulleres das parroquias de San Sadurniño: Bardaos, Ferreira, Igrexafeita, Lamas, Naraio, San Sadurniño, Santa Mariña do Monte así como doutros concellos veciños, algúns moi preto como Moeche, A Capela, Neda, Valdoviño, As Pontes, Narón, As Somozas ou Ferrol; mais tamén hai fotos en Santiago, Ourense, Argentina ou Asturias.

Nicolás Redondo Lago, alcalde 1874

San Sadurniño, 1874

Alcalde de San Sadurniño (1872-1873); (1874-1875)
O veciño de Naraío Nicolás Redondo Lago será nomeado por segunda vez alcalde de San Sadurniño o 24 de setembro de 1874, substituíndo a Domingo Pillo. Os concelleiros son practicamente os mesmos da etapa anterior que foran elixidos democraticamente en xullo de 1873: Domingo Pico Permuy, 1º tt alcalde; Antonio Beceiro Lamas, 2º tt alcalde; Andrés Sabín Rodríguez (Bardaos); Vicente Castro Castro, sindico (Ferreira); Antonio García Rodríguez (Igrexafeita); José Casal Fandiño; José Rey Fernández, Antonio Piñón; Luís Formoso Seco; José Cibreiro Fernández; Vicente González Rodriguez e Juan Soto.
Lamentablemente o secretario municipal Antonio Culebras anda enfermo e ten a Secretaría do Concello totalmente abandonada. Apenas deixou actas das xuntanzas deste ano e moitas delas sen sinatura algunha.En febreiro de 1875 marcha de San sadurniño e o pleno por unanimidade decide nomear a Antonio López Torrens como interino pola sua “sona de honrado”.
Unha nova orden da Ditadura de Serrano ordena restaurar en toda España os impopulares impostos de consumos e habilitase un procedemento para aplicalos en San Sadurniño. Un informe do síndico informa que no hay ingresos por consumos no bienio 1865 e 1866 e da existencia de numerosas irregularidades no cobro das recadacións.
Mais o golpe de estado do Xeneral Martinez Campos recupera o trono para Alfonso XII en xaneiro de 1875. O Marqués de San Sadurniño converterase nun home moi relevante na elite de notabeis da Restauración Borbónica ata a súa morte en 1900. O marqués será nomeado senador vitalicio e a súa filla axiña converterase na Camarera Maior da Raíña Maria Cristina. En setembro de 1875 o novo alcalde será Vicente González Rodríguez. Nicolás Redondo falece o 20 de xullo de 1897 en Naraío aos 70 anos de enfermidade senil.
Na imaxe, corporación municipal en setembro de 1874 coa sinatura no novo secretario interino Antonio López Torrens

Nicolás Redondo Lago, alcalde 1874

Comentarios

Máis imaxes

Temas: San Sadurniño (Concello), Naraío, Alcaldes de San Sadurniño, xente

Compartir en: