Premio Mellor iniciativa Europea Acting - Ginebra 2015 Premio Mellor webserie VO Galego - Carballo Interplay 2017 Mellor vídeo opinarmos - Premio Youtubeir@s 2017 Mellor iniciativa cultural dirixida a persoas maiores - Premio Fundación DomusVi Boas prácticas na xestión cultural - Asociación Galega de Profesionais da Xestión Cultural (AGPXC) Premio Rodolfo Prada á xestión cultural 2018

extramuros

Olladas das xentes que visitaron San Sadurniño e deixaron testemuñas en forma de textos, imaxes, pinturas ou filmes: visitantes senlleiros,

"Camiños de Bardaos"

Bardaos, 2015

Chanfaina'Lab (6) Estrea venres, 27 de febreiro do 2015
Título: Camiños de Bardaos. (Unha achega ao fenómeno OVNI en San Sadurniño)
Director: Ángel Santos Touza
Música: Eduard Artemiev ("Solaris". 1972)
Duración: 9' 13"
Sinopse: Ollada persoal á paisaxe de Bardaos a través dun relato ficcional mesturado con historias reais de veciños e veciñas da parroquia do San Pipote.
Gravado nas estradas de Bardaos na tarde do 6 de setembro de 2014 dentro do programa do Chanfaina' Lab.
Seleccionado na Sección "Futur's imposibles" no Festival de Cinema d'Autor de Barcelona (2015) e no S8 de Coruña na Sección Sinais.


Ángel Santos Touza é un dos mais reputados cineastas galegos, autor de dúas longametraxes de referencia no que se deu en chamar “Novo cinema galego”.
Ángel nunca escoitara falar de Bardaos, mais cando soubo das rectas e cruces das estradas da parroquia, alá se foi "para ver qué pasaba”. Pretendía filmar os cruzamentos e camiños rectos da concentración parcelaria que caracterizan o universo visual de Bardaos para “falar da xente e da vida a través dos espazos baleiros”. Mais o infortunio agardaba por Santos Touza na parroquia do San Pipote. A cámara esnafrouse e só puido gravar oito planos dos camiños de Bardaos. Con tan cativo material tivo que aguzar o enxeño para toparlle o ”punto” a súa peza. Despois de moitas voltas, decidiuse por crear unha ”ficción documental”, unha ucronía ateigada de retranca. Na segunda parte do filme, as historias cruzadas dos personaxes cobran sentido. Calquera veciño ou veciña poderá recoñecer os referentes utilizados -de Fálame de San Sadurniño-, envoltos noutra referencia cinéfila: a música do filme ruso de ciencia ficción "Solaris" (Tarkovski,1972). “Camiños de Bardaos” é un filme intelixente que xoga respectuosamente coa memoria e o presente, invitando sobre todo ao sorriso, en definitiva a compartir unha orixinal e inquedante hipótese sobre as terras de Bardaos, que ademais, - quén sabe?-, podería converterse en lenda algún día.

  • "Camiños de Bardaos"

  • Angel Santos Touza, granxeiro en Cotobade (Pontevedra)

  • Angel Santos escoitando a palabra Bardaos na aula Cemit

  • Angel Santos no xantar da Chanfaina (o de barba que mira á cámara no centro)

  • Angel, actor na curta de X.M. Sande "Tenis real"

  • Proxección de "Los amores jóvenes" de Angel Santos en Dzine

load

Comentarios

Máis imaxes

Temas: Bardaos, Chanfaina'Lab, cinema, lendas, vídeos, visitantes

Autor/a: Ángel Santos Touza

Vídeos:
Septiembre (Los amores jóvenes) (2006)
O cazador [2008]
A. [2002]
Sara y Juan (Los amores jóvenes) [2009]

Compartir en: