Premio Mellor iniciativa Europea Acting - Ginebra 2015 Premio Mellor webserie VO Galego - Carballo Interplay 2017 Mellor vídeo opinarmos - Premio Youtubeir@s 2017

músicas

San Sadurniño ten unha longa tradición e asentada afección por todo tipo de músicas cancións, eventos musicais, festas e romarias, músicos de San Sadurniño

A invención de "Cantareliña"

San Sadurniño, 1983

Achegamos hoxe a "Fálame de San Sadurniño" unha colaboracion moi especial. Trátase dun texto escrito por Ramón Díaz Raña, infatigable dinamizador social e cultural, ademais de párroco de San Sadurniño en tempos difíciles e creador da revista Pumariño.
No texto, Don Ramón debulla nas orixes e desenvolvemento do concurso de canción infantil "Cantareliña", "a nena que máis quixen e quero". Este certame celebrou oito edicións (entre 1983 e 1990), e consistía na celebración de concertos nas catro provincias galegas protagonizados por grupos de nenos e nenas -a idade máxima eran os doce anos-, que interpretaban cancións inéditas en galego. A gala final celebrábase en San Sadurniño. Aquel evento puxo á San Sadurniño "no mapa" na febril década dos oitenta. O texto comeza así:

"Cantos sentimentos burbullan o soar esta palabriña!... Foron moitas as ilusións que algúns puxemos nesta empresa. No ano 1982 o grupo Saraibas decidímosnos organizar o que xa había tempo lle viñamos dando voltas. A iniciativa foi miña. Primeiro comenteino repetidas veces con Miguel, Martín e Rexina Cinza. Parecíalles ben, pero imposible.. Eu era máis optimista. Tiña ao meu favor o haber visto na RAI, estando en Roma polos anos 69-70, un concurso de cancións infantís que me chamara poderosamente a atención. Era "Zecchino d´oro" que precisamente polo Nadal deste ano celebran os 55 anos de andaina. Pensei que algo parecido podía facerse en Galiza. Din convencido ao grupo e tirámonos ao baleiro. Así foi de verdade. Non tiñamos nada en absoluto onde agarrármonos. Só a nosa teima.
Coma sempre, baralláronse moitos nomes ata que CANTARELIÑA foi o que máis gustou. Como lema quedamos co que presentou Miguel “Mentres canten os meniños Galicia será inmorrente”. Reflexaba perfectamente a intención última do que pretendíamos facer. “Quere dicir, á inversa, que o día que os meniños non canten, Galicia terá morrido”... Continuar lendo...

Cun estilo ameno e retranqueiro, Ramón percorre a traxectoria de Cantareliña ata a súa desaparición en 1990 por razóns varias, entre elas o "difícil que é conseguir que a masa da nosa xente valore e empuxe ideas que buscan engrandecer a Terra. A causa está na pobreza que nos envolve; na infravaloración que nos abafa"....
Sen embargo, aquela experiencia marcou a infancia d@s nen@s participantes e "converteuse nun fito da cultura galega que abriu un camiño moi importante para a normalizacion lingüística, mesmo antes de que a TVG nacese ou a lingua galega entrase na EXB", como suliña a "nena cantareliña" María Yañez neste texto publicado no Nº 1 da revista "Luzes" (2014).

  • A invención de "Cantareliña"

  • Ramón Díaz Raña (2014)

  • edición 1988

  • edición 1985

  • edición 1987

  • Actuación dos nenos Abe Rábade e María do Cebreiro e o presentador Manuel Lombao

load

Documentos:

"Cantareliña" por Ramón Díaz Raña
"Historia dunha vidiña" por Ramón Diaz Raña
Catálogo de Cantareliña 1985

Comentarios

manolo seco

2014-10-26 19:12:58

Gracias Ramón por facer que os recordos volvan. Gracias por un tempo no que nos fixeche disfrutar. Gracias por compartir con nosoutros unha parte da túa vida. Gracias Ramón

Tomas Calvo

2015-02-14 21:19:25

Dende Silvalonga un saudo moi forte.Un pracer escoitarte falando do pumariño.Grazas por traer aire fresco a San Sadurniño.Un saudo.

Máis imaxes

Temas: creador@s, eventos, música, San Sadurniño (Concello)

Autor/a: Ramón Díaz Raña

Vídeos:
Himno Cantareliña
Video promocional Cantareliña 1989
"Marramiau", o gato (1983)
Cantareliña 1988. Grupo Picariñas de Ribadavia
Cantareliña 1988. Grupo Francelos
A Pantasma Tom. Cantareliña 1988.
Ris Pum Chis. "Ledicia" de Caranza-Ferrol.

Compartir en: